پی ایس ایل 9 کے 23ویں میچ میں لاہور قلندرز نے اسلام آباد یونائیٹڈ کو 17 رنز سے شکست دے کر پہلی کامیابی حاصل کرلی۔
راولپنڈی میں کھیلے جارہے میچ میں اسلام آباد یونائیٹڈ کی ٹیم لاہور قلندرز کی جانب سے دیے گئے 163 رنز کے تعاقب میں 145 رنز پر ڈھیر ہوگئی۔
فہیم اشرف 41 رنز کے ساتھ نمایاں رہے، اعظم خان29 رنز بنا کر آؤٹ ہوئے، نسیم شاہ نے بھی 27 رنز اسکور کیے۔
لاہور قلندرز کی جانب سے زمان خان نے 4 اور شاہین آفریدی نے دو وکٹیں حاصل کیں۔
اس سے قل لاہور قلندرز نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 162 رنز بنائے اور یونائیٹڈ کو جیت کے لیے 163 رنز کا ہدف دیا تھا۔
View this post on Instagram
رسی وین ڈر ڈوسن نے 64 رنز بنا کر نمایاں رہے، کپتان شاہین شاہ آفریدی 30 رنز بنا کر نمایاں رہے۔
فخر زمان ایک بار پھر ناکام ثابت ہوئے اور صرف 10 رنز بنا کر رومان رئیس کو وکٹ دے بیٹھے، صاحبزادہ فرحان صرف 2 رنز کے مہمان ثابت ہوئے۔
View this post on Instagram
سکندر رضا 4 رنز بنا کر پویلین لوٹ گئے، شے ہوپ کو 6 رنز پر آؤٹ کیا۔
اسلام آباد یونائیٹڈ کی جانب سے رومان رئیس نے دو وکٹیں لیں، حنین شاہ اور عماد وسیم ایک، ایک وکٹ حاصل کرسکے۔
View this post on Instagram
قبل ازیں اسلام آباد یونائیٹڈ کے کپتان شاداب خان نے ٹاس جیت کر شاہین آفریدی الیون کو پہلے بیٹنگ کی دعوت دی تھی۔
لاہور قلندرز میں چار تبدیلیاں کی گئی ہیں، شے ہوپ، احسن بھٹی، ڈیوڈ ویزا اور طیب عباس کی واپسی ہوئی ہے۔
View this post on Instagram
شاہین آفریدی کا کہنا ہے کہ ٹاس جیت کر پہلے بیٹنگ ہی کرتے، جانتا ہوں کہ ایونٹ میں ہماری اچھی پرفارمنس نہیں رہی ہے۔
شاداب خان کا کہنا تھا کہ ہمارا کامبی نیشن اچھا بنا ہوا ہے، لاہور کی ٹیم اچھی ہے کوشش ہوگی جیت حاصل کریں۔
