اسلام آباد: پاک سرزمین پارٹی نے این اے 254 میں پولنگ کا وقت بڑھانے کی درخواست کردی، این اے 254 سے ارشد وہرا پی ایس پی کے امیدوار ہیں۔
تفصیلات کے مطابق پاک سرزمین پارٹی نے کراچی کے حلقے این اے 254 میں پولنگ کاوقت بڑھانے کی درخواست کردی۔
کراچی کے ضلع وسطی سے قومی اسمبلی کے حلقے این اے 254 پر ایم کیو ایم ، پی ایس پی اور ایم ایم اے کے امیدواروں کے درمیان سخت مقابلہ متوقع ہے۔
این اے 254 میں پاک سرزمین پارٹی کے ارشد وہرہ، متحدہ مجلس عمل کے راشد نسیم، مجلس وحدت مسلمین کے علامہ محمد علی عابدی، پاکستان پیپلز پارٹی پارلیمنٹیرین کی لیزا مہدی اور تحریک انصاف کے محمد اسلم خان مدمقابل ہیں۔
مزید پڑھیں : براہ راست: عام انتخابات 2018 کے لیے پولنگ
این اے 254 میں کل ووٹرز 5لاکھ 6ہزار 309ہیں جن میں مردوں کی تعداد 2لاکھ 73 ہزار 76 جبکہ خواتین 2لاکھ 33ہزار 233 ہے۔
خیال رہے کہ ملک بھر میں عام انتخابات کے لئے پولنگ جاری ہیں ، پولنگ اسٹیشنز کے باہر ووٹرز کی طویل قطاریں لگ گئی ہے، 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔
