کراچی : آئی ایم ایف سے نئے قرض معاہدے کے بعد پر پاکستان اسٹاک مارکیٹ میں زبردست تیزی دیکھی گئی اور انڈیکس 81 ہزار کی سطح عبور کرگیا۔
تفصیلات کے مطابق آئی ایم ایف سے نئے قرض پروگرام کیلئے معاہدے پر پاکستان اسٹاک ایکسچینج میں آج زبردست تیزی دیکھی گئی اور سرمایہ کار دھڑا دھڑ حصص خرید رہے ہیں۔
کاروبار کے آغاز پر ہی ہنڈرڈ انڈیکس ایک بار پھر 81 ہزار کی سطح عبور کرگیا ہے، 133 پوائنٹس اضافے کے ساتھ 81 ہزار دوسو اکیاسی پوائنٹس پر ٹریڈ کررہا ہے۔
- Advertisement -
ماہرین کا کہنا ہے کہ سرمایہ کار پُرجوش ہیں اور بڑی کمپنیوں کے حصص میں تیزی دیکھی جارہی ہے جبکہ کچھ اسٹاک ماہرین کا کہنا ہے رواں سال مارکیٹ ایک لاکھ پوائنٹس سے اوپرجاسکتی ہے۔
