کراچی :پاکستان اسٹاک مارکیٹ پر بجٹ کے مثبت اثرات نمایاں نظر آئے، 100 انڈیکس میں 3065 پوائنٹس کا اضافہ ریکارڈ کیا گیا۔
تفصیلات کے مطابق بجٹ میں حکومت کی جانب سے کیپٹل گین ٹیکس نہ لگانے پر سرمایہ کاروں کو اعتماد مل گیا۔
جس کے باعث آج پاکستان اسٹاک مارکیٹ میں تیزی دیکھی گئی اور ہنڈریڈ انڈیکس 76 ہزار کی سطح عبور کرگیا۔
ایک ہی دن میں تین ہزارچارسو دس پوائنٹس کا تاریخی اضافہ دیکھا گیا اور 100 انڈیکس باہتر ہزارسات سو پوائنٹس سے بڑھ کر76 ہزار دو سوآٹھ کی سطح پربند ہوا۔
ماہرین کا کہنا ہے کیپٹل گین ٹیکس اور کمپنیوں کے ڈیوڈنڈ میں اضافہ نہ ہونے سے سرمایہ کاروں کو اعتماد ملا اور انہوں نے بجٹ پر مکمل اعتماد کا اظہار کیا ہے۔
