کراچی : پاکستان اسٹاک مارکیٹ نے انئی تاریخ رقم کرتے ہوئے 62 ہزار پوائنٹس کی سطح بھی عبور کرلی۔
تفصیلات کے مطابق پاکستان اسٹاک مارکیٹ میں زبردست تیزی کا رحجان برقرار ہے، ہفتے کے پہلے ہی دن ہنڈریڈ انڈیکس نے نیا ریکارڈ بنا لیا اور انڈیکس 62 ہزار کی سطح بھی عبور کر گیا۔
کاروبار کے آغازمیں ہنڈریڈ انڈیکس میں پہلے ہی دس منٹس میں سات سو ستاسی پوائنٹس تک کا اضافہ دیکھا گیا اور انڈیکس829 پوائنٹس اضافے کے ساتھ باسٹھ ہزار 520 پوائنٹس کی بلند ترین سطح پر پہنچ گیا۔
جمعہ کو ہنڈریڈ انڈیکس اکسٹھ ہزار چھ سو اکیانوے پر بند ہوا تھا ، گزشتہ ہفتے میں ہنڈریڈ انڈیکس میں تین ہزار دوسوپوائنٹس کا اضافہ ہو چکا ہے۔
ماہرین کا کہنا ہے کہ نگران حکومت کے فیصلوں سے ملکی معیشت ٹھیک سمت میں جا رہی ہے، مارکیٹ میں افواہیں ہیں کہ نگراں حکومت کے سعودی عرب اور جی سی سی ممالک سے بھی فری ٹریڈ معاہدے ہوگئے ہیں۔
