اتوار, مئی 26, 2024
اشتہار

موبائل سمز بند کرنے کے حوالے سے پی ٹی اے کا اہم بیان آگیا

اشتہار

حیرت انگیز

اسلام آباد : پاکستان ٹیلی کمیونیکیشن اتھارٹی ( پی ٹی اے) کا موبائل سمز بند کرنے کے حوالے سے اہم بیان سامنے آگیا۔

تفصیلات کے مطابق پاکستان ٹیلی کمیونیکیشن اتھارٹی ( پی ٹی اے) کی جانب سے موبائل سم بند کرنے کے ایف بی آر کے فیصلے کے حوالے سے مؤقف آگیا۔

ترجمان پی ٹی اے کا کہنا ہے کہ نان فائلرزکی موبائل سم بند کرنے کا ایف بی آرکا فیصلہ زیر غور ہے ، اس سلسلے میں موبائل فون آپریٹرزاور متعلقہ اسٹیک ہولڈرز سے رابطے میں ہیں۔

- Advertisement -

ترجمان نے مزید کہا کہ رابطے کامقصدریگولیٹری فریم ورک ،متعلقہ دفعات کےتحت اقدام اٹھانا ہے۔

یاد رہے ایف بی آر کی جانب سے 5 لاکھ 6 ہزار سے زائد افراد کی سمز بند کرنے کیلئے انکم ٹیکس جنرل آرڈر جاری کیا تھا۔

ایف بی آر کا کہنا تھا کہ 5 لاکھ 6 ہزار سے زائد افراد کی موبائل فون سمز بند کرنے کیلئے نشاندہی کرلی، ان افراد کی آمدن اتنی ہے کہ وہ انکم ٹیکس ریٹرن فائل کرنے کے قابل ہیں۔

ایسے افراد انکم ٹیکس ریٹرن فائل کرنے کے قابل ہونے کے باجود ریٹرن فائل نہیں کررہے، ایف بی آرانکم ٹیکس جنرل آڈر کے مطابق یہ افراد ایف بی آر ایکٹیو ٹیکس پیئر لسٹ میں شامل نہیں ہیں۔

ذرائع نے بتایا تھا کہ انکم ٹیکس ریٹرن فائل نہ کرنے والوں کے موبائل فون کنکشنز کسی بھی وقت بند کیے جا سکتے۔

ایف بی آر کی جانب سے بند کنکشنز کی پی ٹی اے سے 15 مئی تک رپورٹ طلب کرلی گئی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں