پاکستان ٹیلی کمیونی کیشن اتھارٹی (پی ٹی اے) نے وکی پیڈیا کی سروسز 48 گھنٹوں کے لیے ڈی گریڈ کردیں۔
اے آر وائی نیوز کے مطابق پی ٹی اے نے عدسالتی حکامات پر مذکورہ توہین آمیز مواد نہ ہٹانے پر وکی پیڈیا سے رابطہ کیا تھا تاہم توہین آمیز مواد نہ ہٹانے پر سروسز ڈی گریڈ کی گئی ہیں۔
پی ٹی اے کا کہنا ہے کہ رپورٹ کردہ غیرقانونی مواد ہٹانے کے بعد پابندیاں ہٹانے پر غور کیا جائے گا۔
The restoration of the services of Wikipedia will be reconsidered subject to blocking / removal of the reported unlawful contents. PTA is committed to ensuring a safe #online experience for all #Pakistani citizens according to local laws.
— PTA (@PTAofficialpk) February 1, 2023
پی ٹی اے نے کہا کہ وکی پیڈیا کو سماعت کا موقع بھی دیا گیا تھا مگر اس نے نہ تو توہین آمیز مواد ہٹایا اور نہ ہی اتھارٹی کے سامنے پیش ہوا۔
ریگیولیٹر اتھارٹی نے کہا کہ پی ٹی اے کی ہدایات کی تعمیل میں پلیٹ فارم کی جانب سے جان بوجھ کر ناکامی کے پیش نظر توہین آمیز مواد ہٹانے کی ہدایات کے ساتھ ملک میں 48 گھنٹوں کے لیے وکی پیڈیا کی سروسز کو ڈی گریڈ کیا گیا ہے۔
Press Release: PTA has degraded Wikipedia services in the country on account of not blocking / removing sacrilegious contents. pic.twitter.com/h6ZWuf8TnR
— PTA (@PTAofficialpk) February 1, 2023
ریگولیٹر نے خبردار کیا کہ عدم تعمیل کی صورت میں وکی پیڈیا کو ملک میں بلاک کر دیا جائے گا اور اب رپورٹ کردہ غیر قانونی اور توہین آمیز مواد ہٹانے کی شرط پر اس کی سروسز بحال کردی جائیں گی۔
