کراچی : پاکستان ٹیلی کمیونیکیشن کمپنی لمیٹڈ (پی ٹی سی ایل) نے کمپنی ٹیلی نار پاکستان کے حصول کے لیے 40 کروڑ ڈالر کا قرضہ حاصل کرلیا، قرض سہ ماہی اقساط میں ادا کیاجائے گا۔
تفصیلات کے مطابق انٹرنیشنل فنانس کارپوریشن نے پاکستان ٹیلی کمیونیکیشن کمپنی لمیٹڈ کو 40 کروڑ ڈالر قرضے کی منظوری دے دی ، کمپنی ٹیلی نار پاکستان کے حصول کے لیے فنڈنگ استعمال کرے گی۔
پی ٹی سی ایل کیساتھ ایک سال کی رعایتی مدت کا مالیاتی معاہدہ 7 سال کیلئے کیا گیا ، انٹرنیشنل فنانس کارپوریشن کی قیادت کنسورشیم میں سلک روڈ فنڈ اور برطانوی شامل ہیں۔
بین الاقوامی سرمایہ کاری پر 27 جون 2024 کو اس پر اتفاق کیا تھا، 40 کروڑ ڈالر کا قرض سہ ماہی اقساط میں ادا کیاجائے گا۔
یاد رہے پاکستان ٹیلی کمیونیکیشن کمپنی لمیٹڈ نے ٹیلی نار پاکستان کے تمام شیئرز خرید لئے تھے ، ٹیلی نار گروپ نے پاکستان ٹیلی کمیونیکیشن کمپنی لمیٹڈ کو اپنے پاکستان ٹیلکو آپریشنز فروخت کرنے کا باقاعدہ اعلان کیا تھا۔
کمپنی کی جانب سے اعلامیے میں کہا تھا کہ ٹیلی نار کے پاکستان میں 45 ملین صارفین ہیں۔
