The news is by your side.

Advertisement

فائبر کیبل کی خرابی، انٹرنیٹ اورموبائل فون نیٹ ورک بحال ہونا شروع

کراچی : نوری آباد اور حب میں فائبر آپٹک کئی جگہ سے کٹنے پرملک کے کئی شہروں میں پی ٹی سی ایل اور نجی موبائل فون کا نیٹ ورک معطل ہوگیا، پی ٹی سی ایل کی فائبر آپٹک لنک متاثر ہونے سے ملک کے کئی شہروں میں  فون انٹرنیٹ اور نجی موبائل فون سروس معطل ہوگئی، بعد ازاں کیبل کی خرابی دور کر کے نیٹ ورک کو بحال کر دیا گیا۔

تفصیلات کے مطابق نوری آبادی کے قریب ترقیاتی کام کے دوران پی ٹی سی ایل کا فائبر لنک متاثر ہونے کے باعث کراچی سمیت ملک کے بڑے شہروں میں اچانک لینڈلائن فون،انٹرنیٹ اورموبائل فون سروس معطل ہوگئی، جس کے بعد شہربھرمیں چہ مگوئیاں شروع ہوگئیں،افواہوں کا بازار گرم ہوگیا۔

پاکستان ٹیلی کمیونیکیشن لمیٹڈ نےبیان جاری کیا کہ نوری آباد اور یونیورسٹی روڈ پر ترقیاتی کام کے دوران پی فائبر آپٹک کیبل کٹ گیا اس کے بعد حب بلوچستان میں بھی فائبر آپٹک کٹنے کی اطلاع آئی۔

بلوچستان سے لے کر خیبر پختون خوا تک کئی شہروں میں مواصلات کےذرائع خاموش ہوگئے ہیں، انٹرنیٹ سروس متاثر ہونے سے ریلوے کا ریزرویشن سسٹم بند ہوگیا، کینٹ اسٹیشنز پر آن لائن بکنگ بند ہونے سےمسافروں کو پریشانی ہوئی۔

دوسری جانب جی ایم پی ٹی سی ایل عمران جنجوعہ نے دعویٰ کیا ہے کہ ملک بھرمیں پی ٹی سی ایل کی لینٖڈلائن سروس صحیح کام کررہی ہے، جبکہ پی ٹی سی ایل حکام کی جانب سے کہا گیا کہ سروسزکو بحال کیا جارہا ہے فون سروس بحال کردی گئی ہے جبکہ انٹرنیٹ سروس بھی جلد بحال کردی جائے گی۔ ذرائع کا کہنا ہے کہ نجی موبائل کمپنی کی سروس بھی بحال کردی گئی۔

تازہ ترین اطلاعات کے مطابق کیبل کا فالٹ دور کردیا گیا ہے جس کے بعد تمام متاثرہ لائنیں بحال ہونا شروع ہوگئیں ہیں ۔  

Print Friendly, PDF & Email

Comments

comments

یہ بھی پڑھیں