لاہور : پنجاب پولیس نے اپنی ہی مدعیت میں تحریک انصاف کے کارکن بلال علی کی ہلاکت کا مقدمہ درج کر لیا۔
تفصیلات کے مطابق پنجاب پولیس نے تحریک انصاف کے کارکن بلال علی کی ہلاکت کا مقدمہ درج کر لیا ہے۔
کارکن علی بلال کی ہلاکت کا مقدمہ پولیس نے اپنی مدعیت میں درج کیا اور رات بھر والد اور پی ٹی آئی وکلا ٹیم کی پولیس نے ایک نہ سنی۔
دوسری جانب سے پی ٹی آئی کے کارکن علی بلال کی مبینہ پولیس حراست میں ہلاکت کیخلاف تھانہ ریس کورس میں درخواست جمع کرادی گئی ہے۔
درخواست میں نگراں وزیراعلیٰ پنجاب محسن نقوی،راناثنا،سی سی پی او لاہورکونامزد کیا گیا ہے۔
یہ درخواست لیاقت علی کی مدعیت میں تھانہ ریس کورس میں جمع کرائی گئی ہے۔
پی ٹی آئی رہنما حسان نیازی کا کہنا ہے کہ تھانہ ریس کورس پولیس نے ڈائری نمبرتک نہیں دیا،صبح ایف آئی آر درج کرانے کیلئے عدالت سے رجوع کریں گے۔
علی بلال کے والد کا بھی کہنا ہے کہ پولیس نہ پرچہ کرتی ہے نہ ہی میت حوالے کی ہے۔
