اسلام آباد : جوڈیشل افسر کیخلاف سوشل میڈیا پر ہرزہ سرائی پر سوشل ایکٹیوسٹ شایان علی کیخلاف مقدمہ درج کرلیا گیا۔
تفصیلات کے مطابق جوڈیشل افسرکے خلاف سوشل میڈیا پر ہرزہ سرائی کے معاملے پر اسلام آباد کے تھانہ رمنا میں سوشل میڈیا ایکٹوسٹ شایان علی کے خلاف مقدمہ درج کرلیا گیا۔
مقدمہ بغاوت اور دہشتگردی کی دفعات کےتحت درج کیا گیا، مقدمے کے متن میں کہا گیا ملزم شایان علی نےلندن میں جوڈیشل افسرکی ویڈیوزبنائیں اور جوڈیشل افسرپرحملہ کرنےکی کوشش کی تو سیکیورٹی اہلکار نے بچایا۔
متن میں کہا گیا کہ جوڈیشل افسر کو غداراور ملک فروش کہا، پی ٹی آئی کےدعویدارسارامیرگلگتی،عمران خلیل نےبھی احتجاج میں شرکت کی۔
مقدمے میں مزید کہا گیا ہے کہ معاملے میں عادل فاروق راجہ بھی آن لائن متحرک رہے، ایسے واقعات سے خوف کی فضا پیدا ہوئی، ایسےاقدامات بھی دہشت گردی کی ایک شکل ہیں۔
