تازہ ترین

ملتان : پی ٹی آئی اور ن لیگ کے سیکڑوں کارکنان کیخلاف مقدمہ درج

ملتان : الیکشن کمیشن کے دفتر میں ہونے والی ہنگامہ آرائی کے حوالے سے کوتوالی پولیس نے ڈسٹرکٹ الیکشن کمشنر کی مدعیت میں مقدمہ درج کرلیا۔

تفصیلات کے مطابق ملتان میں ضمنی انتخاب کیلئے کاغذات نامزدگی جمع کرانے کے موقع پر الیکشن کمیشن آفس میں پی ٹی آئی اور ن لیگی کارکنان کے درمیان تصادم ہوا، اس دوران دونوں جانب سے کارکنان نے پتھراؤ کیا۔

جھگڑا پی ٹی آئی امیدوار ملک عامر ڈوگر اور لیگی امیدوار طارق رشید کے حامیوں میں ہوا۔دونوں پارٹیوں کے کارکن ایک دوسرے کے خلاف نعرے لگا رہے تھے۔ جھگڑے کے کچھ دیر بعد تحریک انصاف کے کارکن الیکشن کمیشن آفس سے چلے گئے تھے۔

ایف آئی آر میں پی ٹی آئی کے عامر ڈوگر، ندیم قریشی، جاوید اختر انصاری، ن لیگی امیدوار شیخ طارق رشید اور حاجی احسان الدین قریشی سمیت 250 سے 300کارکنان کو نامزد کیا گیا ہے۔ مقدمے میں دہشت گردی سمیت8دفعات شامل کی گئی ہیں

Comments

- Advertisement -