اسلام آباد : تحریک انصاف نے کراچی میں جلسے کی نئی تاریخ کا اعلان کردیا ، جلسہ سترہ اپریل کے بجائے سولہ اپریل کو ہوگا۔
تفصیلات کے مطابق پاکستان تحریک انصاف کے کراچی جلسہ کی تاریخ تبدیل کر دی گئی ، جس کے تحت اب جلسہ سترہ کے بجائے 16 اپریل کو کیا جائے گا۔
اس حوالے سے رہنما پی ٹی آئی عمران اسماعیل نے سماجی رابطے کی ویب سائٹ ٹوئٹر پر اپنے بیان میں کہا کہ جلسہ سولہ اپریل کو مزار قائد پر ہوگا، کراچی کپتان کے ساتھ، تاریخی جلسہ ہوگا۔
کراچی کا جلسہ 16th April Saturday کو مزار قائد پر ہوگا- انسشاللہ کراچ اپنے کپتان کے ساتھ کھڑا ہے- یہ ایک تاریخ ساز جلسہ ہوگا
— Imran Ismail (@ImranIsmailPTI) April 12, 2022
گذشتہ روز اسد عمر نے کراچی والوں کو مخاطب کرتے ہوئے لکھا تھا کہ کراچی والوں تیار ہوجاؤ، خان آرہا ہے۔
رہنما پی ٹی آئی کا کہنا تھا کہ پاکستان تحریک انصاف اتوار سترہ اپریل کو مزار قائد پر عظیم الشان جلسہ عام کا انعقاد کررہی ہے، انشاءاللہ پاکستان دیکھے گا کراچی اپنے لیڈر عمران خان کے ساتھ ایک خوددار خودمختار پاکستان کے لئے کھڑا ہے۔
سابق وزیراعظم و چیئرمین تحریک انصاف عمران خان نے فوری انتخابات کا مطالبہ کرتے ہوئے کہا تھا کہ بدھ کو پشاور میں عشاء کے بعد جلسہ کروں گا یہ بیرونی سازش سے ہٹائے جانے کے بعد پہلا جلسہ ہوگا چاہتاہوں جلسےمیں تمام لوگ آئیں۔
