اسلام آباد : پی ٹی آئی کےاستعفوں سےمتعلق پٹیشن کی سماعت کے موقع پر عدالت نے وزیراعظم ودیگر کو نوٹس جاری کر دیئے۔
تفصیلات کے مطابق سپریم کورٹ نے پی ٹی آئی کے استعفوں سے متعلق درخواست پر وزیر اعظم، اسپیکر قومی اسمبلی، اپوزیشن لیڈر اور پارلیمانی پارٹیوں کو نوٹس جاری کردیئے۔
پی ٹی آئی کے استعفوں سے متعلق درخواست کی سماعت سپریم کورٹ کے بینچ نے کی۔ درخواست گزار ظفر علی شاہ نے پٹیشن میں موقف اختیار کیا کہ پی ٹی آئی نے استعفےدینےکے بعد اُن کی اعلانیہ تصدیق کی تھی۔
اسپیکر کے پاس استعفے منظور کرنے کے علاوہ اورکوئی راستہ نہیں۔ جسٹس انور ظہیر جمالی نے اپنے ریمارکس میں کہا کہ آپ سیاسی معاملات پارلیمنٹ میں کیوں طے نہیں کرتے؟
عدالتوں میں کیوں لاتے ہیں؟ اس معاملے میں دیگر پارلیمانی پارٹیوں کاموقف بھی سُنناپڑےگا۔ جس کے بعد عدالت نے فریقین کو نوٹس جاری کرتے ہوئے سماعت ملتوی کردی۔
