اسلام آباد : تحریک انصاف کے چیئرمین عمران خان کا کہنا ہے کہ پاکستان سپر لیگ کا فائنل لاہور میں کرانے سے کوئی فائدہ نہیں ہوگا۔
تفصیلات کے مطابق تحریک انصاف کے چیئرمین عمران خان نے سماجی رابطے کی ویب سائٹ ٹوئٹر پر اپنے پیغام میں کہا ہے کہ ملکی سیکیورٹی پر حرف آسکتا ہے، لاہور میں پاکستان سپرلیگ کا فائنل کرانے میں کوئی فائدہ نہیں۔
No one wants int cricket to return to Pak more than me. But staging the PSL final in Lahore carries huge risks with no benefit at all.
— Imran Khan (@ImranKhanPTI) February 28, 2017
عمران خان نے کہا مجھ سے زیادہ پاکستان میں انٹرنیشنل کرکٹ کی واپسی کوئی نہیں چاہتا، پی ایس ایل کا فائنل کرانے میں بہت سے خطرات ہیں، خدانخواستہ کچھ ہوگیا تو ہم اگلی دہائی کے لئے انٹرنیشنل کرکٹ کو خدا حافظ کہہ دیں گے۔
And God forbid if any mishap happens we can say goodbye to int cricket in Pak for the next decade https://t.co/5WkOJi0aWa
— Imran Khan (@ImranKhanPTI) February 28, 2017
انھوں نے مزید کہا کہ قذافی اسٹیڈیم کے گرد سیکیورٹی حصارمیں کھیلے جانیوالے میچ سے ملکی سیکیورٹی پر حرف آئے گا۔
A match played under a tight security ring around the stadium will exaggerate Pak’s security issue https://t.co/08D7d5Z7rm
— Imran Khan (@ImranKhanPTI) February 28, 2017
یاد رہے گذشتہ روز پاکستان تحریک انصاف کے سربراہ عمران خان کا کہنا تھا کہ پی ایس ایل کا فائنل لاہور میں کرانے کا فیصلہ پاگل پن کے سوا کچھ نہیں، سڑکیں بند کرنے سے ملک کا کیا تاثر جائے گا؟
مزید پڑھیں : پی ایس ایل کا فائنل لاہور میں کرانا پاگل پن ہے، عمران خان
عمران خان کا کہنا تھا کہ بین الاقوامی کرکٹ کی پاکستان میں واپسی کے لیے پی ایس ایل کا فائنل لاہور میں کرانے کے لیے یہ مناسب وقت نہیں تھا کیوں کہ اس موقع پر کاروبار بند کرایا جائے گا ، سخت سیکیورٹی اور جگہ جگہ چیکنگ کرائی جائے گا تو کیا اس سے یہ پیغام جائے گا کہ ملک میں مکمل امن کی بحالی ہو چکی ہے؟
