اسلام آباد: چیئر مین تحریک انصاف عمران خان کا کہنا ہے کہ پی ٹی آئی کم از کم 15 سیٹوں پر جیت رہی ہے۔
سابق وزیراعظم عمران خان نے سماجی رابطے کی ویب سائٹ ٹوئٹر پر اپنے بیان میں کہا کہ جو نتائج آرہے ہیں اس کے مطابق پی ٹی آئی کم از کم 15 سیٹوں پر جیت رہی ہے، پولنگ اسٹیشنز پر تعینات پی ٹی آئی کے جوان چوکس رہیں۔
عمران خان نے کارکنوں کو اہم ہدایات جاری کرتے ہوئے کہا کہ پولنگ ایجنٹس ریٹرننگ افسر سے نتائج حاصل کیے بغیر اپنی جگہ نہ چھوڑیں۔
جو نتائج آرہے ہیں ان کی روشنی میں تحریک انصاف کم از کم 15 نشستیں جیت رہی ہے۔ مگر تمام پولنگ سٹیشنز پر ذمہ داریوں پر مامور ہمارے سب لوگوں کیلئے نہایت اہم ہے کہ ریٹرننگ افسران سے سرکاری نتائج کے حصول تک اپنی جگہ بالکل نہ چھوڑیں۔
— Imran Khan (@ImranKhanPTI) July 17, 2022
خیال رہے کہ پنجاب اسمبلی کے بیس حلقوں میں ضمنی انتخاب آج ہورہے ہیں، پولنگ کا وقت ختم ہونے کے بعد ووٹوں کی گنتی جاری ہے اور نتائج آنے کا سلسلہ جاری ہے۔ اب تک کے نتائج کیمطابق پی ٹی آئی کو ن لیگ پر واضح برتری حاصل ہے۔
