اسلام آباد : چیئرمین پی ٹی آئی نے اسلام آباد ہائیکورٹ فیصلوں کیخلاف سپریم کورٹ سے رجوع کرلیا۔
تفصیلات کے مطابق سپریم کورٹ میں گزشتہ روز اسلام آباد ہائی کورٹ کے توشہ خانہ کیس کے فیصلوں کیخلاف اپیل دائر کردی۔
اپیل چیئرمین پی ٹی آئی کی جانب سے دائر کی گئی ، خواجہ حارث ایڈووکیٹ نے ہائی کورٹ فیصلے کیخلاف درخواست دائر کی۔
جس میں مؤقف اختیار کیا کہ اسلام آباد ہائیکورٹ کادرخواستوں پرفیصلہ درست نہیں، ہائی کورٹ کے فیصلے کا جائزہ لیا جائے۔
درخواست میں کہا گیا کہ اسلام آباد ہائیکورٹ نے قابل سماعت کامعاملہ جج ہمایوں دلاور کو واپس بھیجا، جج ہمایوں دلاورکیس کےقابل سماعت ہونے پر اپنا مائنڈ دے چکے ہیں۔
درخواست گزار کا کہنا تھا کہ دوبارہ قابل سماعت کامعاملہ جج ہمایوں دلاور کو نہیں بھیجا جاسکتا، اسلام آباد ہائیکورٹ کا جج ہمایوں دلاور کو معاملہ واپس بھیجنے کا حکم کالعدم قرار دیاجائے۔
وکیل تحریک انصاف نے کہا کہ چیئرمین تحریک انصاف کی دائردرخواست پرڈائری نمبرلگادیاگیا ہے۔
