اسلام آباد : پاکستان تحریک انصاف ( پی ٹی آئی ) نے26ویں آئینی ترمیم سپریم کورٹ میں چیلنج کردی۔
تفصیلات کے مطابق پاکستان تحریک انصاف ( پی ٹی آئی) نے 26 ویں آئینی ترمیم کیخلاف سپریم کورٹ میں درخواست دائر کردی۔
تحریک انصاف نے درخواست سمیرکھوسہ ایڈووکیٹ کے توسط سے دائر کی۔
- Advertisement -
تحریک انصاف نے درخواست پر فیصلے تک قائم جوڈیشل کمیشن کو ججز تعیناتی سے روکنے کی استدعا کی ہے۔
درخواست میں کہا ہے کہ پارلیمنٹ آئین کے بنیادی خدوخال کوتبدیل نہیں کر سکتی، عدلیہ کی آزادی آئین کابنیادی جزو ہے۔
دائر درخواست میں کہا گیا کہ عدلیہ کی آزادی کےخلاف کوئی ترمیم نہیں کی جا سکتی، آئینی ترمیم اختیارات کی تقسیم کےآئینی اصول کےخلاف ہے۔
تحریک انصاف نے 26ویں آئینی ترمیم کالعدم قراردینےکی استدعا کرتے ہوئے کہا کہ ترمیم کےتحت ہونے والے تمام اقدامات کالعدم قراردیےجائیں۔
