اسلام آباد : سپریم کورٹ میں چیئرمین پی ٹی آئی کی سائفرکیس کیخلاف اپیل پر سماعت غیرمعینہ کیلئے ملتوی کردی گئی۔
تفصیلات کے مطابق سپریم کورٹ میں سائفرکیس کیخلاف چئیرمین پی ٹی آئی درخواست پر سماعت ہوئی ، جسٹس سردارطارق مسعود کی سربراہی میں تین رکنی بنچ نے درخواست پر سماعت کی۔
چیئرمین پی ٹی آئی کے وکیل حامدخان نے التواء کی استدعا کرتے ہوئے موقف اپنایا اسلام آباد ہائیکورٹ نے انٹراکورٹ اپیل پرفیصلہ دیا جس کا جائزہ لینا چاہتے ہیں۔
جس پر جسٹس سردار طارق مسعود نے ریمارکس دیے اسلام آباد ہائیکورٹ کا تونیا آڈرآیا ہے، جس آڈرکے خلاف آپ کی اپیل ہے اسے ہم ابھی بھی سن سکتےہیں۔
وکیل حامد خان نے التوا کی استدعا دوہرائی تو عدالت نے کیس کی سماعت غیر معینہ مدت کیلئے ملتوی کردی۔
جسٹس سردار طارق نے ہائی کورٹ کے فیصلے کےخلاف نئی اپیل دائر کر سکتے ہیں،سپریم کورٹ ضمانت کا کیس اپنی باری پر ہی سناجائے گا۔
چئیرمین پی ٹی آئی نے درخواست میں سائفر مقدمہ کے اخراج اوراسلام آباد ہائیکورٹ فیصلے کے خلاف اپیل دائرکی تھی۔
