The news is by your side.

Advertisement

پاکستان تحریک انصاف کی تنظیم نو ، باضابطہ نوٹی فکیشن جاری

اسلام آباد : پاکستان تحریک انصاف کی تنظیم نو کا باضابطہ نوٹی فکیشن جاری کردیا گیا ہے، نوٹیفکیشن میں کہا گیا ہے کہ یکم اکتوبر کےبعد سے جاری تمام نوٹی فکیشن کالعدم قرار دے دئے گئے ہیں، حکم نامے کا اطلاق مرکزی تنظیم اور تمام شعبہ جات پر ہوگا۔

تفصیلات کے مطابق بلدیاتی انتخابات سے پہلے پاکستان تحریک انصاف کی تنظیم نو کا فیصلہ کیا گیا ، عمران خان نے سیکرٹری جنرل ارشدداد کو ٹاسک دیا اور تنظیم نوسےمتعلق کام کی ہدایت کی۔

جس کے بعد پاکستان تحریک انصاف کی تنظیم نو کا باضابطہ نوٹی فکیشن جاری کردیا، نوٹیفکیشن مرکزی سیکرٹری جنرل ارشد داد کی جانب سے جاری کیا گیا۔

نوٹی فکیشن میں کہا گیا کہ جنرل الیکشنز کےبعد پارٹی تنظیم نوکے مرحلے میں داخل ہو چکی ہے، یکم اکتوبر کےبعد سے جاری تمام نوٹی فکیشن کالعدم قرار دیئے جا چکے ہیں ،حکم نامے کا اطلاق مرکزی تنظیم اور تمام شعبہ جات پر ہوگا، صوبہ سندھ میں کی جانے والی تعیناتیوں کو استثنیٰ حاصل ہوگا۔

ذرائع کے مطابق حکومتی عہدے رکھنے والے وزرا،مشیروں سےپارٹی عہدوں کی واپسی کی تجویز دی گئی ہے ، مصروفیات کےباعث وزرا،مشیرپارٹی امورکیلئےوقت نہیں دےپارہے۔

ذرائع کا کہنا ہے کہ تنظیم نوپارٹی آئین کےتحت کی جائےگی ، تنظیم نو قومی اور یونین کونسل سطح تک کی جائے گی، پارٹی کےاہم عہدےنئےلوگوں کو دئیے جا سکتے ہیں جبکہ پارٹی چیئرمین کا عہدہ عمران خان کے پاس رہنے کا امکان ہے۔

حکومتی عہدیداروں سے پارٹی عہدوں کی واپسی کی حتمی منظوری عمران خان دیں گے۔

Comments

comments

یہ بھی پڑھیں