اسلام آباد : پی ٹی آئی نے خواجہ آصف کی نااہلی کیلئے اعلیٰ عدلیہ اور الیکشن کمیشن سے رجوع کرنے کا فیصلہ کرلیا ہے۔

تفصیلات کے مطابق پاکستان تحریک انصاف کے سربراہ عمران خان نے خواجہ آصف کے اقامے پر بابر اعوان، فواد چوہدری ، عارف علوی ، عثمان ڈار اور وکلا سے ملاقات کی، ملاقات میں مشاورت کے بعد پی ٹی آئی نے خواجہ آصف کی نااہلی کیلئے اعلیٰ عدلیہ سے رجوع کرنے کا فیصلہ کیا جبکہ خواجہ آصف کے خلاف الیکشن کمیشن میں ریفرنس دائر کرنے پر بھی اتفاق ہوا۔

عمران خان نے معاملے کو منطقی انجام تک پہنچانے کی ہدایت بھی کی۔

پی ٹی آئی رہنما عثمان ڈار کا کہنا تھا کہ خواجہ آصف کےخلاف قانونی چارہ جوئی شروع کررہےہیں، خواجہ آصف کو جلد کٹہرے میں کھڑا کریں گے۔

مزید پڑھیں :عمران خان نے خواجہ آصف کا اقامہ ٹوئٹر پر پوسٹ کر دیا

اس سے قبل پی ٹی آئی چیئرمین عمران خان نے خواجہ آصف کا اقامہ ٹوئٹرپرپوسٹ کرتے ہوئے وزیردفاع پر کڑی تنقید کی اور کہا کہ سارا مافیا ہی جیب میں اقامے لے کر گھوم رہا ہے، درحقیقیت اقامہ بھاگنے اور خود کو بچانے کا آسان راستہ ہے۔

All our mafias keep iqamas/residences in UAE bec Central bank UAE not bound to nor does it disclose bank acc details of UAE Iqama holders. pic.twitter.com/kiZy3a75tb

— Imran Khan (@ImranKhanPTI) July 27, 2017

چیرمین پی ٹی آئی نے کہا عالمی قوانین کے تحت امارات کا مرکزی بینک غیررہائش پذیر افراد کے کھاتوں کی تفصیلات ظاہر کرے۔

یاد رہے 2 روز قبل سیالکوٹ سے خواجہ آصف کے حلقے سے پی ٹی آئی کے امید وار عثمان ڈار نے سماجی رابطے کی ویب سائٹ ٹوئٹر پر خواجہ آصف کے اقامے کی کاپی جاری کی تھی، جس کے مطابق خواجہ آصف بھی دبئی کی کمپنی میں ملازم ہیں۔

مزید پڑھیں : خواجہ آصف وفاقی وزیر ہونے کے ساتھ دبئی کمپنی کے ملازم نکلے

پی آٹی ٹی کے رہنما عثمان ڈار کا کہنا ہے کہ خواجہ آصف سے متعلق حیرت انگیز انکشافات سامنے آئے ہیں، آرٹیکل63،62کےتحت خواجہ آصف کو بھی گھر بھیجیں گے، اقامہ ان کمپنیوں سے لیا گیا، جنہیں پروجیکٹ کی مد میں فائدہ دیا گیا۔

انھوں نے مزید کہا کہ خواجہ آصف سے متعلق جو دستاویزات ملی ہیں وہ حیران کن ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔