لاہور : پی ٹی آئی کے پارلیمانی بورڈ نے انتخابات میں پرانے اور پارٹی بیانیے کیساتھ کھڑے ہونیوالے سابقہ ارکان کو ہی ٹکٹس دینے کا فیصلہ کرلیا۔
تفصیلات کے مطابق پی ٹی آئی کی پارلیمانی بورڈ نے ٹکٹوں کی تقسیم کا فارمولا طے کرلیا ہے۔
بورڈ نے پرانے اور پارٹی بیانیے کیساتھ کھڑے ہونیوالے سابقہ ارکان کو ہی ٹکٹس دینے کا فیصلہ کیا ہے۔
پارلیمانی بورڈ نے سفارش کی پارٹی کے 80 فیصدسابقہ ارکان کوہی ٹکٹس دئیےجائیں گے، 20فیصدٹکٹس نئےامیدواروں کودئیےجائیں گے۔
پارٹی ذرائع نے بتایا کہ پارلیمانی بورڈ نے پارٹی کے دیرینہ کارکنوں کو بھی آئندہ الیکشن میں ایڈجسٹ کرنے اور خواتین اوراقلیتوں کی مخصوص نشستوں پر بھی یہی فارمولا لاگو کرنے کی سفارش کی۔
ذرائع کا کہنا تھا کہ مسلم لیگ ن کو چھوڑ کر آنے والے 5 سے 6 لوگوں بھی ایڈجسٹ کیا جائے گا، آئندہ2سے3روز تک نارتھ پنجاب کےامیدواروں میں پارٹی ٹکٹس تقسیم کیےجائیں گے۔
عمران خان فائنل امیدواروں سے علیحدہ علیحدہ ملاقاتیں کریں گے، بورڈکی سفارشات کی حتمی منظوری پارٹی چیئرمین عمران خان دیں گے۔