اسلام آباد: پی ٹی آئی کے وفد کی جے یو آئی (ف) کے سربراہ مولانا فضل الرحمان سے ان کی رہائشگاہ پر اہم ملاقات ہوئی ہے۔
اے آر وائی نیوز کے مطابق جے یو آئی (ف) کے سربراہ مولانا فضل الرحمان نے پی ٹی آئی کے وفد کا خیر مقدم کیا جس میں اسد قیصر، عامر ڈوگر، بیرسٹر سیف، فضل احمد، عمیر نیازی شامل تھے۔
ملاقات میں انتخابات میں مبینہ دھاندلی ودیگر تحفظات پر تبادلہ خیال کیا گیا۔
ذرائع کا بتانا ہے کہ پی ٹی آئی وفد نے بانی پی ٹی آئی کا پیغام مولانا فضل الرحمان تک پہنچایا۔
پی ٹی آئی وفد کی مولانا فضل الرحمان کی رہائش گاہ آمد#ARYNews pic.twitter.com/yQ7ClWuf0E
— ARY NEWS (@ARYNEWSOFFICIAL) February 15, 2024
ذرائع کے مطابق پی ٹی آئی وفد نے مبینہ دھاندلی کے خلاف اور اپوزیشن میں ساتھ چلنے کی دعوت دی، اس موقع پر عامر ڈوگر نے کہا کہ انشا اللہ سرپرائز دیں گے، پی ٹی آئی کی اکثریت ہے۔
دوسری جانب جمیعت علمائے اسلام ف بلوچستان کے صدر مولانا عبدالواسع نے صوبے اور مرکز میں حکومت سازی کا حصہ نہ بننے کا اعلان کیا ہے۔
مولاناعبدالواسع نے اعلان کیا ہے کہ کسی حکومت کا حصہ نہیں بنیں گے بلوچستان میں حکومت نہیں بنا رہے، فیصلہ ہوا ہے پورے پاکستان میں حکومت میں نہیں جائیں گے۔
