بدھ, مئی 22, 2024
اشتہار

پی ٹی آئی کا حکومتِ آزادکشمیر سے فوری مستعفی ہونے کا مطالبہ

اشتہار

حیرت انگیز

پی ٹی آئی نے بگڑتی ہوئی موجودہ صورتحال پر حکومت آزادکشمیر سے فوری مستعفی ہونے کا مطالبہ کر دیا۔

ترجمان پی ٹی آئی کے مطابق شہریوں کے قتل کی تحقیقات اور ذمہ داروں کا تعین کیا جائے آزادکشمیر میں تیزی سے بگڑتی صورتحال پر گہری تشویش ہے، عوامی احتجاج کے حقیقی محرکات کا سنجیدہ تجزیہ کرکےجائز مطالبات کو تسلیم کیاجائے۔

ترجمان نے کہا کہ عوام پُرامن احتجاج کے جمہوری حق کو اپنی طاقت بنائیں عوامی مینڈیٹ اور قانون کی حکمرانی کو ملکی نظام کی بنیاد بنایا جائے۔

- Advertisement -

مظفرآباد میں آزادکشمیر آنے والے راستے پر رینجرز اور مظاہرین میں تصادم کے نتیجے میں متعدد افراد زخمی ہو گئے۔

مظاہرین کو روکنے کے لیے پولیس اور فورسز نے آنسو گیس کی شیلنگ کی، لاٹھی چارج کیا جب کہ مظاہرین نے پتھراؤ کیا۔ شوڑاں کے مقام پر مظاہرین نےگاڑیاں جلادیں۔

عوامی ایکشن کمیٹی لانگ مارچ کےقافلےاسمبلی کےسامنےپہنچ گئے ہیں اور شرکا نے امبور کے مقام پر دھرنا دے دیا ہے۔

حالات کو کنٹرول کرنے کے لیے انتظامیہ نے انٹرنیٹ سروس معطل کر دی ہے جب کہ موبائل فون سروس بھی متاثر ہے۔

 

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں