اسلام آباد : پاکستان تحریک انصاف نے پیپلز پارٹی سے بات چیت کی خبروں کو مسترد کردیا اور کہا خبر مکمل طور پر بے بنیاد اور گمراہ کن ہے۔
تفصیلات کے مطابق پاکستان تحریک انصاف کے رہنما اسد قیصر نے پیپلز پارٹی سے بات چیت کی خبروں کو مسترد کرتے ہوئے کہا کہ
ایک چینل پر مجھ سےمنسوب بیان کی سختی سےتردید کرتا ہوں۔
رہنما پی ٹی آئی کا کہنا تھا کہ پی پی سے بات چیت کی خبر مکمل طور پر بے بنیاد اور گمراہ کن ہے، بانی پی ٹی آئی نےایسی کوئی ہدایت نہیں دی، نہ ہی میں نے میڈیا پر ایسا کوئی بیان دیا ہے۔
یاد رہے چیئرمین پی ٹی آئی بیرسٹر گوہر علی نے کہا تھا کہ پارٹی پیپلز پارٹی کے ساتھ مل کر حکومت بنانے کا ارادہ نہیں رکھتی۔ "یہ آپشن ہمارے لیے 09 فروری کو بھی دستیاب تھا ہم ایک مضبوط اپوزیشن پارٹی کے طور پر کام کریں گے۔
یہاں یہ بات قابل ذکر ہے کہ پاکستان پیپلز پارٹی (پی پی پی) کی سینئر قیادت نے وفاقی حکومت کی جانب سے پاکستان تحریک انصاف (پی ٹی آئی) پر پابندی کے فیصلے کے خلاف آواز اٹھائی تھی۔
