اسلام آباد : تحریک انصاف نے حکومت کیخلاف توہین عدالت کی درخواست سپریم کورٹ میں دائرکردی۔
تفصیلات کے مطابق رہنما پی ٹی آئی خرم نواز نے حکومت کیخلاف توہین عدالت کی درخواست سپریم کورٹ میں دائرکردی۔
درخواست میں مؤقف اختیار کیا گیا ہے کہ 25 مئی کو سپریم کورٹ نےگھروں پر چھاپے مارنے سے روکا تھا، عدالت نے کارکنوں اوررہنماؤں کو ہراساں نہ کرنےکاحکم دیا تھا۔
درخواست میں کہا گیا کہ الزام ہے نہ کوئی مقدمہ، بغیر وارنٹ گھروں پرچھاپےمارےگئے، جگہ جگہ کنٹینر لگا کر عوام کی نقل و حرکت میں رکاوٹ ڈالی جا رہی ہے۔
درخواست گزار نے کہا کہ تحریک انصاف ایچ نائن اورجج نائن کےعلاقےمیں احتجاج کرناچاہتی ہے، سیکرٹری داخلہ کی نظر میں عدالت کا کوئی ادب احترام نہیں۔
درخواست میں وفاقی سیکرٹری داخلہ، آئی جی،ایس ایس پی آپریشنز کیخلاف کارروائی کی استدعا کی گئی ہے۔
