لاہور: لاہور ہائی کورٹ نے بانی پی ٹی آئی سمیت شاہ محمود قریشی، پرویز الہیٰ ،فواد چوہدری اور صنم جاوید کے کاغذات نامزدگی مسترد کرنے کے خلاف درخواستیں خارج کردیں۔
تفصیلات کے مطابق لاہور ہائی کورٹ کے جسٹس علی باقر نجفی کی سربراہی میں فل بنچ نے محفوظ کیے گئے فیصلے سنادئیے۔
فل بینچ نے بانی پی ٹی آئی کے این اے 122 اور این اے 89 سے کاغذات نامزدگی مسترد کرنے کے خلاف درخواست خارج کر دی۔
عدالت نے پرویز الہیٰ کے این اے 64گجرات، پی پی32,34, این اے69منڈی بہاوالدین ، پی پی42منڈی بہاوالدین ، این اے59تلہ گنگ، پی پی23 تلہ گنگ سے کاغذات نامزدگی مسترد کرنے کے خلاف درخواستیں خارج کیں۔
عدالت نے ۔شاہ محمود قریشی کے این اے 150 این اے 151 ، پی پی218 سے کاغذات نامزدگی مسترد کرنے سے متعلق ٹربیونل کے فیصلے کے خلاف درخواستیں خارج کردیں۔
فواد چوہدری کے این اے60 اور این اے61 سے کاغذات نامزدگی مسترد کیے جانے کو چیلنج کیا تھا، جسے عدلت نے مسترد کر دیا ۔
حلقہ این اے 129سے حماد اظہر اور صنم جاوید کے این اے119 اور این اے 120 پی پی 150 سے کاغذات نامزدگی مسترد ہونے کے خلاف درخواستیں خارج کر دی گٸیں۔
دوسری جانب این اے 56سے شیخ رشید کے کاغذات نامزدگی منظوری کے خلاف درخواست مسترد کردی گٸی ۔ عثمان ڈار کی والدہ ریحانہ ڈار کے این اے 71 اور پی پی 46 سے کاغذات نامزدگی منظور ہونے کے خلاف بھی درخواست مسترد کر دی گئی۔
