اسلام آباد: 190 ملین پاؤنڈ کیس میں بانی پی ٹی آئی اور بشریٰ بی بی کی سزا معطلی کی درخواستیں کل سماعت کے لیے مقرر کرلی گئیں۔
اے آر وائی نیوز کے مطابق اسلام آباد ہائیکورٹ کے قائمقام چیف جسٹس کی سربراہی میں دو رکنی بینچ کل سماعت کرے گا، کاز لسٹ بھی جاری کردی گئی ہے۔
بینچ میں قائمقام چیف جسٹس سرفراز ڈوگر اور جسٹس محمد آصف شامل ہیں۔
عدالت نے سزا معطلی کی درخواست اعتراضات دور کرکے مقرر کرنے کی ہدایت کی تھی، اسلام آباد ہائیکورٹ کا ڈویژن بینچ کل دن 12 بجے سماعت کرے گا۔
واضح رہے کہ 17جنوری کو عمران خان اور بشریٰ بی بی کو سزا سنائی گئی تھی، بانی پی ٹی آئی اور بشریٰ بی بی نے سزا معطل، ضمانت پر رہائی کے لیے درخواست دائر کررکھی ہے۔
