گوجرانوالہ: بانی پی ٹی آئی حملہ کیس کے مرکزی مجرم نوید کو 2 بار عمر قید کی سزا سنادی گئی۔
گوجرانوالہ کی انسداد دہشتگردی عدالت نے بانی پی ٹی آئی حملہ کیس کا محفوظ فیصلہ سنایا، مرکزی ملزم کو اقدام قتل اور دہشتگردی کی دفعات کے تحت الگ الگ عمر قید کی سزا سنائی ہے
مرکزی مجرم پر 5 لاکھ روپے جرمانہ بھی عائد کیا جبکہ ملزم طیب بٹ اور وقاص کو بری کردیا گیا ہے۔
معظم قتل کیس میں دہشت گردی ثابت ہونے کے جرم میں عمر قید کی سزا سنائی گئی، 4 افراد کو زخمی کرنے کے جرم میں تین سے پانچ سال تک قید کی سزا دی گئی۔
مقدمہ کے زخمی گواہ بانی پی ٹی آئی کی پیروی پر حق صفائی ختم کیا گیا۔
دوران سماعت عمران خان کو 8 مرتبہ عدالت طلب کیا گیا، انہیں متعدد بار اڈیالہ جیل سے ویڈیو لنک پر بھی پیش ہونے کا حکم دیا گیا۔
عدالت کے بار بار حکم کے باجود عمران خان نے بطور زخمی گواہ بیان ریکارڈ نہیں کرایا۔
واضح رہے بانی پی ٹی آئی عمران خان پر قاتلانہ حملہ کا مقدمہ تھانہ سٹی وزیر اصباد میں درج کیا گیا تھا، مقدمہ سب انسپکٹر عامر شہزاد کی مدعیت میں سات نومبر 2022 کو درج ہوا تھا۔
