بانی پاکستان تحریک انصاف سے ان کے وکلا کی ملاقات نہ کرانے پر توہین عدالت کی درخواست سماعت کیلئے مقرر کردی گئی۔
جسٹس ثمن رفعت امتیاز کل بانی پی ٹی آئی کے وکیل کی درخواست پرسماعت کرینگی، درخواست میں سیکریٹری داخلہ اور سپرنٹنڈنٹ اڈیالہ جیل کو فریق بنایا گیا ہے، درخواست میں کہا گیا کہ عدالت بانی پی ٹی آئی سے وکلا کی ملاقات کرانے کا حکم بھی جاری کرے۔
درخواست میں استدعا کی گئی ہے کہ اسلام آباد ہائیکورٹ نے بانی کی وکلا سے ہفتے میں 2 دن ملاقات کا آرڈر جاری کیا۔
- Advertisement -
ایس او پیز کے مطابق جیل حکام کو آج ملاقات کرنے والے وکلا کی فہرست بھیجی، جیل حکام نے آگاہ کیا کہ وکلا کی بانی پی ٹی آئی سے ملاقات نہیں کرائی جائے گی۔
درخواست میں مزید کہا گیا کہ فریقین کا کنڈکٹ عدالتی احکامات کی خلاف ورزی ہے، اس پر توہین عدالت کی کارروائی کی جائے۔
