وزیراعلیٰ خیبر پختونخوا علی امین گنڈاپور نے کہا ہے کہ ہمیں نظر نہیں آرہا کہ بانی رہا ہوں گے، ہم احتجاج کا حق رکھتے ہیں۔
تفصیلات کے مطابق بانی پی ٹی آئی سے اہم ملاقات کے بعد میڈیا سے گفتگو کرتے ہوئے وزیراعلیٰ خیبر پختونخوا نے کہا کہ ہم نے تحریک کی جانب جانا ہے، سڑکوں پر جدوجہد کرنی ہے، ہم ڈنڈے کے مقابلے میں ڈنڈا اور گولی کے مقابلے میں گولی چلائیں گے۔
علی امین گنڈاپور کا کہنا تھا کہ اب ہمیں زور بازو سے شکست دینی پڑے تو نظام کو شکست دیں گے، وفاق کیساتھ جو حقوق کی جنگ ہے وہ کافی حد تک جیت رہے ہیں۔
علیمہ خانم اور علی امین گنڈا پور میں تلخیاں ختم
انھوں نے کہا کہ ہمارا بجٹ عوامی اور ٹیکس فری ہو گا، ہم حق لینے کےلئے اپنا راستہ اختیار کریں گے، میں بھی اسی احتجاج اور تحریک کا حصہ ہوں۔
علی امین نے کہا کہ میں وزیراعلیٰ کا پروٹوکول استعمال کروں گا، مجھے کوئی گولی مارے گا تو مجھے بچانے والے بھی گولی چلائیں گے۔
وزیراعلیٰ خیبر پختونخوا امین علی گنڈاپور کا مزید کہنا تھا کہ میں بطور وزیراعلی آئین کے مطابق اپنا اختیار استعمال کروں گا۔
