The news is by your side.

Advertisement

پنجاب میں 141 ارکان کی حمایت مل گئی، پی ٹی آئی کا دعویٰ

اسلام آباد: پاکستان تحریکِ انصاف نے دعویٰ کیا ہے کہ پنجاب میں اس نے نمبر گیم پورا کر لیا، حکومت سازی کے لیے 141 ارکان کی حمایت مل گئی۔

تفصیلات کے مطابق پنجاب میں حکومت سازی کے لیے تحریکِ انصاف کو مطلوبہ تعداد میں ارکان کی حمایت مل گئی، فواد چوہدری نے ٹارگٹ مکمل ہونے کا دعویٰ کر دیا۔

پی ٹی آئی کے مرکزی رہنما فواد چوہدری نے کہا ہے کہ پنجاب میں حکومت بنانے کے لیے ان کی اکثریت واضح ہوگئی ہے، پنجاب میں بھی تحریک انصاف حکومت بنائے گی۔

فواد چوہدری نے کہا ’کچھ دیرمیں پرویزالٰہی کی عمران خان سے ملاقات ہوگی جس کے بعد ارکان کی تعداد 150 تک پہنچ جائے گی۔‘

پی ٹی آئی رہنما کا کہنا تھا کہ ق لیگ سمیت آزاد ارکان کی حمایت کے ساتھ ہمارا ٹارگٹ مکمل ہو جائے گا، وزیرِ اعلیٰ پنجاب کسی اتحادی جماعت سے نہیں ہو گا۔

مرکز میں حکومت سازی، پی ٹی آئی اور مسلم لیگ ن، ایم کیوایم کی 6 سیٹوں کے لئے سرگرم

خیال رہے کہ تحریکِ انصاف کے رہنما شاہ محمود قریشی بھی کہہ چکے ہیں کہ پی ٹی آئی وفاق میں بہ آسانی حکومت بنا لے گی، ان کا کہنا تھا کہ ن لیگ اور پیپلز پارٹی کو چھوڑ کر بھی نمبر پورے ہیں۔

دوسری طرف مسلم لیگ ن اور پاکستان پیپلز پارٹی نے اسمبلیوں میں بیٹھنے کا فیصلہ کرلیا ہے، غالب امکان ہے کہ وہ پنجاب میں بھی اپوزیشن جماعت کا کردار ادا کریں گی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں