اسلام آباد: حکومت پاکستان نے رویت ہلال کمیٹی کی ری اسٹرکچرنگ کا فیصلہ کر لیا.
ان خیالات کا اظہار وفاقی وزیر پیر نور الحق قادری نے رویت ہلال اور قمری کلینڈر سے متعلق وزارت مذہبی امور میں اجلاس کے بعد میڈیا سے گفتگو کرتے ہوئے کیا.
وفاقی وزیر پیر نورالحق قادری نے کہا کہ وزیر مذہبی امور کی قیادت میں 6 رکنی ورکنگ گروپ تشکیل دینے پر اتفاق ہوا ہے.
قبلہ ایاز، حنیف جالندھری، مفتی پوپلزئی، سیکریٹری مذہبی امور کے پی ورکنگ گروپ میں شامل ہوں گے.
ان کا کہنا تھا کہ ورکنگ گروپ مسئلے کو حل کرنے کی بھرپورکوشش کرے گا، رویت ہلال کمیٹی کی ری اسٹرکچرنگ کریں گے.
وفاقی وزیر نے مزید کاہ کہ رویت ہلال کمیٹی کے ممبران کی تعداد بہت زیادہ ہے، کمیٹی سے متعلق قانون سازی پر گروپ کام کرے گا.
خیال رہے کہ 15 جولائی 2019 کو وفاقی وزیر فواد چوہدری نے اپنے ایک بیان میں کہا تھا کہ میری کابینہ سے درخواست ہے کہ رویت ہلال کمیٹی کوختم کردیا جائے.
فوادچوہدری کا کہنا تھا چانددیکھنےسےمتعلق دیگرممالک نےہماری کوشش کوبہت سراہاہے، امید ہے او آئی سی ہمارے قمری کلینڈر کو منظور کرلےگی
