وزیراعظم کے معاون خصوصی برائے امور نوجوانان عثمان ڈار نے کہا ہے کہ پی ٹی آئی کو قانونی طور پر فنڈزدیےگئے جس کے ثبوت دے دیئے ہیں۔
اے آر وائی نیوز کے پروگرام الیونتھ آور میں گفتگو کرتے ہوئے عثمان ڈار نے کہا کہ اگرہم نےکوئی چوری چکاری کی ہوتی تویہ ہمیں نہیں چھوڑتے، چیف الیکشن کمیشن سےاپیل کرتاہوں کیس کاجلد ازجلدفیصلہ کریں۔
عثمان ڈار نے کہا کہ حنیف عباسی سپریم کورٹ گئےاس لیےوقت ضائع ہوا، پی ٹی آئی کو قانونی طور پر فنڈز دیے گئے جس کے ثبوت دے دیئے ہیں، پی ڈی ایم کوآج پورا زورلگانےکیلئےموقع دیاگیا، بڑا شور تھا ہلادیں گے، آرپار ہو جائےگا لیکن ایساکچھ نہ ہوا۔
ان کا کہنا تھا کہ عمران خان نے22سال جدوجہدکر کے پارٹی بنائی ہے، پی ٹی آئی کےکارکنان کو اپنےکپتان پرفخرہے میرےلیڈر نے بھارت کی آنکھ میں آنکھ ڈال کر جواب دیا، عمران خان نےپاس ہوجاناہےیہ دونوں رہ جائیں گے۔
پروگرام میں گفتگو کرتے ہوئے ن لیگ کے جاوید لطیف نے کہا کہ الیکشن کمیشن کےباہرپی ڈی ایم کاعلامتی احتجاج تھا جس کا مقصد فارن فنڈنگ کیس کا جلد فیصلہ تھا، ہم آئین،قانون پرعمل داری کیلئےجدوجہدکررہےہیں۔
