پاکستان تحریک انصاف نے نئے چیف جسٹس یحییٰ آفریدی سے امیدیں باندھ لیں۔
اے آر وائی نیوز کے مطابق پی ٹی آئی رہنما اور قومی اسمبلی میں اپوزیشن لیڈر عمر ایوب کا کہنا ہے کہ توقع ہے جسٹس یحییٰ آفریدی مقدموں میں انصاف کریں گے۔
انہوں نے کہا کہ پی ٹی آئی میں کوئی دھڑے بندی نہیں، بلاک صرف بانی کا ہے۔
عمر ایوب نے کہا کہ ملک میں مہنگائی اور کرپشن عروج پر ہے، مصنوعی حکومت ملک نہیں چلاسکتی اس لیے الیکشن کا مطالبہ جائز ہے۔
عمر ایوب نے کہا کہ زین قریشی نے ووٹ نہیں دیا باقی افراد کو شوکاز نوٹس جاری کردیے ہیں۔
علاوہ ازیں اے ٹی سی لاہور نے جلاؤ گھیراؤ کیس میں عمر ایوب سمیت دیگر پی ٹی آئی رہنماؤں کی عبوری ضمانت میں 8 نومبر تک توسیع کردی۔
دوسری جانب پی ٹی آئی کے رہنما حامد خان نے کہا ہے کہ توقع ہے جسٹس یحییٰ آفریدی اس پیشکش کو قبول نہیں کریں گے۔
حامد خان نے کہا کہ آؤٹ آف ٹرن دو بار چیف جسٹس تعینات کیے گئے جس سے ملک کا بڑا نقصان ہوا، ہم وکلا کے ساتھ مل کر اس تعیناتی کے خلاف تحریک چلائیں گے۔
انہوں نے کہا کہ وکلا میں اگر کوئی تقسیم ہوئی تو بار کے اگلے الیکشن میں سامنے آ جائے گی، اس طرح کا اقدام سپریم کورٹ کو تقسیم کرنے کیلئے کیا گیا ہے۔
