لاہور: پاکستان تحریک انصاف نے وزیراعلی کے اعتماد کے ووٹ کے دوران غیر حاضر رہنے والے دو اراکین مومنہ وحید اور فیصل فاروق چیمہ کو شو کاز نوٹسز جاری کردیا۔
تفصیلات کے مطابق پاکستان تحریک انصاف نے پارٹی پالیسی سے منحرف اراکین کے خلاف کاروائی کرتے ہوئے وزیراعلی پنجاب کے اعتماد کے ووٹ کے دوران غیر حاضر رہنے والے دو اراکین کو شو کاز نوٹسز جاری کر دیا۔
نوٹس میں دونوں اراکین کو ذاتی حیثیت میں پارٹی چئیرمین عمران خان کے روبرو طلب ہونے کی ہدایت کی گئی ہے۔
شو کاز نوٹسز مومنہ وحید اور فیصل فاروق چیمہ کو بھیجے گئے ہیں، نوٹس میں دونوں اراکین کیخلاف آرٹیکل 63 اے کے تحت کاروائی کا عندیہ دیا گیا ہے۔
نوٹس میں کہا گیا کہ آپ نے بطور پارلیمانی رکن پی ٹی آئی کی واضح پالیسی سے انحراف کیا، پارلیمانی پارٹی کے اراکین کو اعتماد کے ووٹ میں پرویز الہی کو ووٹ دینے کا کہا گیا تھا، واضح ہدایات کے باوجود دونوں اراکین نے انحراف کیا۔
نوٹس میں کہا گیا کہ اراکین 14 جنوری بروز ہفتہ ذاتی سنوائی کیلئے پارٹی چئیرمین کے روبرو حاضر ہو۔
