پاکستان تحریک انصاف کے زیراہتمام آج گوجرانوالہ میں ہونے والے جلسے کے حوالے سے گوجرانوالہ کی سٹی ٹریفک پولیس نے جلسہ گاہ پہنچنے کا ٹریفک پلان جاری کردیا۔
اس حوالے سے سٹی ٹریفک پولیس انتظامیہ نے جلسے میں شرکت کے لیے دو کلومیٹر پیدل چل کرجناح اسٹیڈیم پہنچنا پڑے گا۔
چندہ قلعہ سے آنے والے ہائیر سیکنڈری اسکول میں گاڑیاں پارک کریں گے، فیروز والا اور چھچر والی پل سے آنے والے سیٹلائٹ ٹاؤن میں گاڑیاں پارک کریں گے۔
اروپ سائیڈ سے آنے والے سیشن کورٹ کے قریب گاڑیاں پارک کریں گے، عزیز کراس فلائی اوور سے آنےوالے اسٹیشن کے قریب گاڑیاں پارک کریں گے۔
گوجرانوالہ کی سٹی ٹریفک پولیس نے مزید بتایا ہے کہ عالم چوک سے آنے والے گوندانوالہ چوک میں گاڑیاں پارک کرکے جلسہ گاہ پہنچیں گے۔
Comments
- Advertisement -
