لاہور : پاکستان تحریک انصاف نے مرید کے میں جلسے کی اجازت نہ ملنے پر لاہور ہائی کورٹ سے رجوع کرلیا۔
اس حوالے سے ذرائع کا کہنا ہے کہ صدر پی ٹی آئی شیخوپورہ نے لاہور ہائی کورٹ میں درخواست دائر کردی ہے۔
ذرائع کے مطابق درخواست میں چیف سیکرٹری پنجاب اور ڈپٹی کمشنر شیخو پورہ کو فریق بنایا گیا ہے۔
درخواست میں مؤقف اختیار کیا گیا ہے کہ پی ٹی آئی نے مرید کے میں جلسہ کرنے کا اعلان کیا تھا، جس کے بعد ڈپٹی کمشنر شیخوپورہ کو مرید کے میں جلسہ کرنے کیلئے درخواست دی۔
درخواست گزر نے بتایا کہ ڈپٹی کمشنر شیخو پورہ نے وہاں جلسہ کی اجازت دینے کی بجائے دفعہ 144کا نفاذ کر دیا، درخواست میں استدعا کی گئی ہے کہ لاہور ہائی کورٹ ڈپٹی کمشنر شیخوپورہ کو مرید کے میں جلسہ کرنے کی اجازت دینے کا حکم دے۔