کراچی : پاکستان تحریک انصاف (پی ٹی آئی) نے 17 رکنی کراچی نگراں کمیٹی کا اعلان کرتے ہوئے نوٹیفکیشن جاری کر دیا۔
تفصیلات کے مطابق تحریک انصاف سندھ کے صدر حلیم عادل شیخ نے چیئرمین پی ٹی آئی سے منظوری کے بعد پی ٹی آئی کراچی کیلئے نگراں کمیٹی کے عہدیداران کے ناموں کا اعلان کردیا۔
حلیم عادل شیخ نے کراچی ڈویژن کیلئے نگراں کمیٹی قائم کردی، جس کا نوٹی فکیشن پی ٹی آئی سندھ کے جنرل سیکرٹری نے جاری کیا ہے۔
- Advertisement -
نگراں کمیٹی ایک ہفتے میں 7 اضلاع کے عہدیداروں کے نام فائنل کرے گی اور ٹاؤن، یو سی اور بلاک سطح پر تنظیم کو مکمل کرے گی۔
کراچی نگراں کمیٹی میں خرم شیر زمان کو کوآرڈینیٹر مقرر کیا گیا ہے جبکہ ڈاکٹر شہاب امام ایڈووکیٹ سیکرٹری کمیٹی ہوں گے۔
