site
stats
خیبر پختونخواہ

ڈپٹی گورنر اسٹیٹ بینک کی تعیناتی، پی ٹی آئی نے وضاحت مانگ لی

اسلام آباد: پاکستان تحریک انصاف نے ڈپٹی گورنر اسٹیٹ بینک کی تعیناتی پر وزیراعظم سے وضاحت مانگ لی اور کہا ہے کہ سعید احمد اسحاق ڈار کے قریبی دوست ہیں ان منی لانڈرنگ میں سہولت کار ہونے کا امکان ہے۔

اطلاعات کے مطابق پاکستان تحریک انصاف کے رہنما عندلیب عباس نے وزیراعظم نواز شریف کے پرنسپل سیکریٹری کو خط لکھا ہے جس میں سعید احمد کو ڈپٹی گورنر اسٹیٹ بینک بنائے جانے سے متعلق اعتراضات اٹھاتے ہوئے معلومات مانگی گئی ہیں۔

خط میں عندلیب عباس نے کہا ہے کہ سعید احمد کی ڈپٹی گورنر اسٹیٹ بینک تعیناتی کی معلومات فراہم کی جائیں،رائٹ ٹو انفارمیشن ایکٹ کے تحت معلومات حاصل کرنا میرا بنیادی حق ہے، بتایا جائے کہ سعید احمد دیگر چار اہم عہدوں پر بھی کیسے فائز ہیں؟

خط میں مزید کہا گیا ہے کہ اسحاق ڈار کے بیان کے مطابق سعید احمد ان کے قریبی دوست ہیں،

سعید احمد پر منی لانڈرنگ میں سہولت کار اور شریف خاندان کے معاون رہنے کا امکان ہے اس لیے ان کی تعیناتی سے متعلق معلومات فراہم کی جائیں۔

یاد رہے کہ قبل ازیں ان کی تعیناتی کے وقت ہی چیئرمین پی ٹی آئی عمران خان نے الزام عائد کیا تھا کہ سعید احمد منی لانڈرنگ میں شریف خاندان کے معاون ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top