لاہور : پی ٹی آئی رہنما ڈاکٹر شاہد صدیق کو قتل کرانے کے لئے بیٹے کی جانب سے پیشے دینے کا انکشاف ہوا، دونوں حملوں کے لئے بھاری رقم دی گئی۔
تفصیلات کے مطابق پی ٹی آئی رہنما ڈاکٹر شاہد صدیق کے قتل کی تحقیقات میں اہم انکشافات سامنے آرہے ہیں، پولیس نے بتایا کہ بیٹے قیوم نے رہنما پی ٹی آئی پر جنوری میں بھی قاتلانہ حملہ کرایا تھا۔
ملزم نے جنوری میں باپ کے قتل کی ڈیل 50لاکھ روپے میں کی تھی جبکہ دوسرا حملہ 2کروڑ روپے میں کرایا گیا۔
رہنما پی ٹی آئی کے بیٹے قیوم نے قریبی دوست سےملکر باپ کےقتل کا منصوبہ بنایا کیونکہ قیوم ایک لڑکی سے پسندکی شادی کرنا چاہتا تھا لیکن شاہد صدیق نے انکار کیا تھا۔
رہنما پی ٹی آئی کے بیٹے کی ملزم کے ساتھ ریکی کرنےکی فوٹیج بھی سامنے آ گئی، کار جمعہ کوصبح 9 بجکر 50 منٹ سے ڈاکٹر شاہد کی ریکی پرتھی ، ریکی کرنے والی کار میں ان کا بیٹا قیوم سوار تھا۔
جمعہ کو ڈاکٹر شاہد نے بینک سے رقم نکال کرمستحق افراد میں تقسیم کی ، رقم تقسیم کےدوران بھی مشکوک کار ان کا تعاقب کرتی رہی۔
