کراچی : پاکستان تحریک انصاف کے رہنما علی زیدی آج پریس کانفرنس میں اہم اعلان کریں گے، وہ ایم پی او کے تحت گھر میں نظر بند ہیں۔
تفصیلات کے مطابق پاکستان تحریک انصاف کے رہنما کچھ دیر میں بعد اہم پریس کانفرنس کریں گے، جس میں وہ اہم اعلان کرنے جارہے ہیں۔
تحریک انصاف سندھ کے صدرعلی زیدی ایم پی او کے تحت گھر میں نظر بند ہیں ، انھیں کمر میں تکلیف کی شکایت ہیں۔
علی زیدی کا کہنا ہے کہ نظربندی کی دوران اجازت لے لی ہے، ضیاالدین اسپتال علاج کے لئے جارہا ہوں، مسلسل سر درد اور کمر کی تکلیف ہے، میڈیا سے گفتگو بھی اسپتال میں ہی وہیں کروں گا۔
گذشتہ روز پی ٹی آئی سندھ کے صدر علی زیدی نے پارٹی سے علیحدگی سے متعلق اہم بیان جاری کیا تھا،علی زیدی نے لکھا تھا کہ مجھے کالے قانون ایم پی او کےتحت گرفتارکیا گیا، میری والدہ کے گھرکو ایک ماہ کیلئے سب جیل قراردے دیاگیا ہے اوراب میرے پی ٹی آئی چھوڑنے کی جھوٹی افواہیں پھیلائی جارہی ہیں۔
پی ٹی آئی سندھ کے صدر کا کہنا تھا کہ میرے خلاف غلط معلومات پھیلانے کیلئےمنظم پروپیگنڈہ کیاجارہاہے،گذشتہ ایک ماہ کے دوران میں نے زیادہ تر وقت حراست میں گزارا ہے۔
