کراچی : تحریک انصاف کے رہنما اسد عمر کو دوران سفر بلڈ پریشر کی شکایت ہونے پر کراچی کے نجی اسپتال میں داخل کرا دیا گیا ہے۔
تفصیلات کے مطابق پاکستان تحریک انصاف کے رہنما اسد عمر کی طبعیت اسلام آباد سے کراچی آتے ہوئے اچانک خراب ہو گئی ، اسد عمر پی آئی اے کی پرواز پی کے 319 میں سفر کر رہے تھے۔
جہاز کی کراچی ایئرپورٹ پر لینڈنگ کے فوری بعد اسد عمر کو ایمبولینس کے ذریعے کراچی کے نجی اسپتال پہنچایا گیا، جہاں ڈاکٹروں کی ٹیم نے ان کو فوری طبی امداد فراہم کی، جس کے بعد ڈاکٹروں نے ان کی طبعیت کو نارمل قرار دے دیا۔
- Advertisement -
پی ٹی آئی کے رہنما خرم شیر زمان کا کہنا تھا کہ اسد عمر کی طبعیت سنبھل گئی ہے، ان کا کہنا تھا کہ دوران سفر اسد عمر کے سر میں شدید درد ہوا اور ان کا بلڈ پریشر بھی ہائی تھا، جس کی وجہ سے ان کی طبیعت بگڑ گئی۔
