پاکستان تحریک انصاف (پی ٹی آئی) رہنما بیرسٹر سیف نے کہا ہے کہ پرویزخٹک کی باتیں سن کر انہیں سیاست سے ریٹائر ہونے کا مشورہ دیتا ہوں۔
تفصیلات کے مطابق پرویز خٹک کے الزامات پر پی ٹی آئی رہنما بیرسٹرسیف نے رد عمل میں کہا کہ پرویز خٹک کی باتیں سن کر انہیں سیاست سے ریٹائر ہونے کا مشورہ دیتا ہوں۔
پی ٹی آئی رہنما نے کہا کہ صحت کی اس حالت اور ادھیڑ عمری میں سیاست ان کے بس کاکھیل نہیں رہا، جھوٹ بولنے کی بجائے پرویز خٹک کو سیاسی گناہوں کی معافی مانگنی چاہیے۔
بیرسٹرسیف نے کہا کہ چیئرمین پی ٹی آئی کے خلاف بے بنیاد الزامات پرویز خٹک کی ذہنی خرابی کا اظہار ہے، وہ بھول گئے 9 مئی کو وہ خود پی ٹی آئی خیبر پختونخوا کے صدر تھے۔
انہوں نے مزید کہا کہ جو الزامات لگائے بطور پارٹی صدر وہ ان کے خود بھی ذمہ دار ہیں، انہی جرائم میں اسکے خلاف بھی کارروائی ہونی چاہیے کیونکہ یہ اقبال جرم کرچکا ہے، پرویزخٹک کی نام نہاد پارٹی پیدا ہونے سے پہلے ہی فوت ہو گئی تھی۔
