پاکستان تحریک انصاف کے رہنما فرخ حبیب نے کہا ہے کہ ہم استعفے دے ر عوام میں جارہے ہیں اور استعفوں کا معاملہ قومی اسمبلی سے شروع ہوکر صوبائی اسمبلیوں تک جائیگا۔
پی ٹی آئی رہنما فرخ حبیب نے میڈیا سے گفتگو کرتے ہوئے کہا کہ چوروں کی حکومت مسلط کی جارہی ہے اس لیے ہم استعفے دے کر عوام میں جارہے ہیں اور عوامی تحریک چلائیں گے، ، آج پارٹی کا اہم اجلاس ہے جس میں لائحہ عمل طے کیا جائیگا۔
فرخ حبیب کا کہنا تھا کہ یہ اسمبلی میں تقریریں کرنے کا معاملہ نہیں بلکہ قومی غیرت کا ہے، اب فیصلے عوام کی پارلیمنٹ میں ہونے ہیں اور عمران خان بدھ کو پشاور سے عوامی رابطہ تحریک کا آغاز کریں گے۔
