پی ٹی آئی رہنما فرخ حبیب نے کہا ہے کہ موجودہ حکمرانوں میں بیرونی دباؤ کا جواب دینے کی ہمت نہیں ہے یہ امپورٹڈ حکومت ڈومور کیلیے لائی گئی ہے۔
پی ٹی آئی رہنما فرخ حبیب نے اسلام آباد میں میڈیا سے گفتگو کرتے ہوئے کہا کہ کل بھارت اور امریکا سے بیان آتا ہے کہ پاکستان دہشتگردوں کیخلاف کارروائی کرے لیکن ہمارے موجودہ حکمرانوں میں اتنی ہمت نہیں کہ جواب دیں، ان کی تو کانپیں ٹانگ رہی ہیں، یہ امپورٹڈ حکومت کو ڈومور کیلیے لائی گئی ہے۔
فرخ حبیب نے کہا کہ الیکشن کمیشن میں ممنوعہ فنڈنگ کیس کی سماعت ہورہی ہے، اس میں پی ٹی آئی کے ساتھ پیپلز پارٹی اور ن لیگ کا کیس بھی ہے، ہم تو اس کیس میں الیکشن کمیشن میں پیش ہورہے ہیں میں مریم صفدر اور بلاول بھٹو کو چیلنج کرتا ہوں کہ وہ بھی اگلی سماعت پر الیکشن کمیشن آئیں۔
انہوں نے کہا کہ انہوں نے کہا کہ پہلے نواز شریف لادن سے پیسے لیکر بینظیر کی حکومت گراتے تھے، مولانا فضل الرحمٰن لیبیا سے پیسے لیکر ملک میں کام کررہے تھے، 64 کروڑ ن لیگ اور 35 کروڑ کا پیپلز پارٹی کا حساب تھا۔
فرخ حبیب نے مزید کہا کہ تحریک انصاف واحدجماعت ہےجس نے سیاسی فنڈریزنگ کی بنیاد رکھی، اکبر ایس بابر کےآقا سامنے آئیں ہمارا مقابلہ ان کے ساتھ ہے۔
