The news is by your side.

Advertisement

تین صوبوں میں حکومت بنائیں گے، پنجاب کے وزیراعلیٰ کا فیصلہ عمران خان کریں گے: فواد چوہدری

لاہور: پی ٹی آئی کے ترجمان فواد چوہدری نے کہا ہے کہ عمران خان جوفیصلہ کریں گے، پارٹی اسی کے مطابق چلے گی.

ان خیالات کا اظہار انھوں نے اے آر وائی کی الیکشن ٹرانسمیشن میں‌ خصوصی گفتگو کرتے ہوئے کیا. انھوں نے کہا کہ وزارت اعلیٰ پنجاب سے متعلق عمران خان حتمی فیصلہ کریں گے.

فوادچوہدری نے کہا کہ اپوزیشن سے زیادہ ہمارا مقابلہ عوامی توقعات سے ہے، عوام نے بڑی توقعات وابستہ کیں، ان پر پورا اتریں گے.

ان کا کہنا تھا کہ عمران خان نے جو تقریر کی، اس پرعمل کریں گے، تبدیلی آنی چاہیے، عوام بھی تبدیلی ہی چاہتے ہیں.

فواد چوہدری نے کہا کہ آزادامیدواروں سے رابطے شروع کردیے، جہانگیر ترین، شاہ محمود کا بھی آزاد امیدواروں سے رابطہ ہوا ہے، امید ہے کہ کامیاب آزاد امیدوار پی ٹی آئی میں شامل ہوجائیں گے.

ان کا مزید کہنا تھا کہ بلوچستان میں اطلاعات کے مطابق 8 صوبائی نشستیں جیتی ہیں، بلوچستان میں بھی ہماری حکومت ہوگی،انشااللہ تین صوبوں میں پی ٹی آئی حکومت بنائے گی.

یاد رہے کہ 25 جولائی کو ملک میں ہونے والے عام انتخابات میں پی ٹی آئی قومی اسمبلی کی 119 سیٹیں لینے میں کامیاب رہی۔ ساتھ ہی پاکستان تحریک انصاف نے کے پی کے اور پنجاب کی صوبائی اسمبلیوں میں بھی شان دار کارکردگی کا مظاہرہ کیا۔


عمران خان کا خطاب، متوقع پالیسیوں پر اظہار خیال، دھاندلی الزامات کی تحقیقات کی پیش کش


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں