تحریک انصاف کے رہنما فواد چوہدری نے کہا ہے کہ آرمی چیف کے آئین و عوامی نمائندوں کی مقتدر حیثیت سے متعلق خیالات خوش آئند ہے ۔
سماجی رابطے کی ویب سائٹ ٹوئٹر پر اپنے پیغام میں پی ٹی آئی رہنما فواد چوہدری نے کہا کہ آرمی چیف کے آئین و عوامی نمائندوں کی مقتدر حیثیت سے متعلق خیالات خوش آئند ہے، انھوں نے پہلی تقریر میں بڑے معاملات پر گفتگو، اتفاق رائے کی ضرورت پر زور دیا۔
آرمی چیف کے آئین اورعوام کے نمائندوں کی مقتدرحیثیت کے بارے میں خیالات درست اور خوش آئند ہیں انھوں نے پہلی تقریر میں بھی بڑے معاملات پر گفتگو اوراتفاق رائے کی ضرورت پر زور دیا تھا،ضرورت اس بات کی ہے کہ عوام کو مقتدراعلیٰ مان کر آئین کے تحت الیکشن کی حمائیت کی جائے اور عوامی فیصلوں…
— Ch Fawad Hussain (@fawadchaudhry) April 15, 2023
انہوں نے کہا کہ ضرورت اس بات کی ہے کہ عوام کو مقتدراعلیٰ مان کر آئین کے تحت الیکشن کی حمائیت کی جائے اور عوامی فیصلوں کا احترام کیا جائے۔
فواد چوہدری کا کہنا تھا کہ اگر انتخابات منعقد کرنے کے سپریم کورٹ کے حکم پر عمل نہیں ہوتا اور سپریم کورٹ کو بھی الیکشن کمیشن کیطرح بے وقعت ادارہ بنانےکی کوشش کی گئی تو عوام کے پاس انقلاب کے سوا کوئی راستہ نہیں بچےگا۔
اگر انتخابات کرنے کے سپریم کورٹ کے حکم پر عمل نہیں ہوتا اور سپریم کورٹ کو بھی الیکشن کمیشن کی طرح بے وقعت ادارہ بنانے کی کوشش کی گئ تو عوام کے پاس انقلاب کے علاوہ کوئ راستہ نہیں بچے گا، اپنے حقوق کیلئے سروں پر کفن باندہ کر اسلام آباد کی طرف نکلنا ہو گا،اب تک آئین کے اندر رہ کر…
— Ch Fawad Hussain (@fawadchaudhry) April 15, 2023
تحریک انصاف کے رہنما کا کہنا تھا کہ اپنےحقوق کیلئے سروں پر کفن باندھ کر اسلام آبادکی طرف نکلنا ہوگا، اب تک آئین کے اندر رہ کر جدو جہد کی ہے، اگر آئین نہ رہا تو جدوجہد کی بھی حدود نہیں ہوں گی، اس لئے آئین کو مقدم مانا جائے اور عوام کو دیوار سے نہ لگائیں۔
