اسلام آباد : پاکستان تحریک انصاف کے رہنما افتخار درانی کو گھر سے گرفتار کرلیا گیا، ترجمان نے بتایا کہ چھاپہ مار ٹیم موبائل فونز اور لیپ ٹاپ ساتھ لے گئی۔
تفصیلات کے مطابق اسلام آباد میں پاکستان تحریک انصاف کے رہنما افتخار درانی کو گھر سے گرفتار کرلیا گیا۔
افتخار درانی نے سماجی رابطے کی ویب سائٹ ٹوئٹر پر اپنے پیغام میں کہا کہ ایف آئی آر اور وارنٹ دکھائے بغیر مجھے حراست میں لیا گیا۔
رہنما افتخار درانی کی گرفتاری کے حوالے سے ترجمان پی ٹی آئی نے کہا کہ رہنما تحریک انصاف افتخار درانی کے گھر چھاپہ اور توڑپھوڑ کی گئی، گھر کے دروازے توڑ دیے جبکہ موبائل فونز اور لیپ ٹاپ ساتھ لے گئے۔
ترجمان کا کہنا تھا کہ افتخاردرانی اپنے گھر نہیں عارضی جائے پناہ پر تھے، چھاپہ مار ٹیم سی سی ٹی وی بھی ساتھ لے گئی ، اہل خانہ تاحال ان کے بارے میں لاعلم اوررابطے سے محروم ہیں۔
