کراچی: پی ٹی آئی کے رہنما خرم شیر زمان نے کہا ہے کہ پیپلزپارٹی کے لوگ خود پی ٹی آئی سے رابطہ کر رہے ہیں۔
ان خیالات کا اظہار انھوں نے اے آر وائی کے پروگرام سوال یہ ہے میں گفتگو کرتے ہوئےکہا۔ ان کا کہنا تھا کہ پیپلزپارٹی ارکان اسمبلی اپنے مستقبل کے لئے پریشان ہیں۔
خرم شیرزمان نے کہا کہ پی ٹی آئی کوسندھ میں حکومت کے لئے 20 ووٹوں کی ضرورت ہے، پیپلز پارٹی کا حقیقی گروپ اب ان سے اظہارلاتعلقی کر دے گا. پیپلزپارٹی اب بے نظیروالی نہیں رہی، اب یہ زرداری کی پارٹی ہوگئی ہے.
انھوں نے کہا کہ جےآئی ٹی رپورٹ کے بعد مرادعلی شاہ کوعہدے پر رہنے کا جواز نہیں، پیپلز پارٹی خود کوئی وزیر اعلیٰ لے کرآجائے، وزیر اعلیٰ کو تبدیل نہیں کریں گے، تو ہم مجبوری میں اپنا لے آئیں گے.
مزید پڑھیں: سندھ میں ایسا وزیرِ اعلیٰ ہونا چاہیے جس کے خلاف انکوائری نہ ہو: افتخار درانی
خرم شیرزمان کا کہنا تھا کہ ملک کولوٹنے والوں کو جیلوں میں دیکھنا چاہتے ہیں، پاکستان کو بہت لوٹ لیا، اب یہ اوربرداشت نہیں کرسکتے.
ان کا کہنا تھا کہ ہم پیپلزپارٹی کے لوگوں کونہیں توڑ رہے، پیپلزپارٹی کے لوگ خود ہم سے رابطہ کر رہے ہیں.
